LA MIA TERRA
"Morciano"
NU PAESE CA PICCA CANUSCENE E
MUTI S'HANNU SCURDATU.
...STASIRA
PERO',IEU VULIA QUASI QUASI CU
VEGNU CITTU CITTU
E CU TE DICU CA SI BEDDHU TUTTU,
DE SUSU BRITU FINCA LE CURISCE E
SANTA LUCIA FINO A MARUZZU.
LA M'MANE,QUANNU LU SULE DORME
ANCORA A SONNI CHINI
TE DISCITI CHIANU CHIANU,CU LI
FRAVITI DE LI TRATTORINI.
E LU CADDUZZU INTRA LU CURTIU,PURU
STAMMANE STA CUMMINA
L'IRA DE DIU;CA TOCCA CU NE ZAMU
DICE E CI NO CHIOVE
PURU CA FRIDDU FACE,CU FATICAMU
TOCCA SCIAMU IN SANTA PACE.
E CI SUTTA LE NEPULE E CI SUTTA
LU CANTORU;
TUTTI TENENE DE FARE PE NA
CHIANTA DE PUMMADORU.
NESTA,NCOSSA,SARCHIA CA CI VOLE
DIU ACI TRASE GIUGNU
VENE LA PACCHIA.
PASSA DOPU ALLA VIGNA,ZAPPA LI
CIPPUNI,PUMPISCIA,SPUDDINA
CA PURU STANNU DE MIERU BONU IME
N'GHIRE LA CANTINA.
E FINCATTANTU CU STI PENSIERI SE
NE VA LU FURESE
ACI LUCISCE,SE MINTE IN
MOVIMENTU TUTT LU PAESE.
SUTTA RAZZU E CU LI PATARNOSCI A
MANU,SU IDDE,
LA NICOLETTA E LA SANDRINA,CA CI
NU R'RIVENE,
DON ANTONIO,NU POTE CUMANZARE
MISSA PRIMA.
LA SARACINESCA DE LU RENATU STA
GIA' Z'ZATA
E LA MACHINA DE LU CAFE' E' GIA'
SCARFATA CA QUALCUNU
STANOTTE HA DURMUTU PICCA INTRA
LU LETTU
PE LI PRESCI CA L'INTER,HA VINTU
N'TORNA LU SCUDETTU.
MA SU RIVATE LE 7 E CU L'OCCHI
CHINI DE SONNU
E CU LA BORSA CHINA DE SPERANZE
FUCI,
CU NO PERDI LA CORRIERA BENE MEU
E CERCA CU FACI TIE,CHIRU CA NU
N'AGGIU PUTUTU FARE IEU.
TIE VAI A TRICASE,IDDU A
ALESSANU
SPERANZA A DIU CA PE NU STOZZU
DE PANE
NU NITI SCIRE CHU' LUNTANU.
LU SULE INTANTU SE RAMPICA SU LI
PARITI DE LE CASE
E CURIUSITUSU DE OGNI FINESCIA E
PORTA TRASE
E CU L'UMBRA DE OGNI FINESCIA E
PORTA,TRASE;
E CU L'UMBRA E LE MANTAGNATE
VESTE DE CULURI,
OGNI ANGULU DE LE CUNTRADE.
SE APRENE L'UFFICI E LI PURTUNI
COMUNALI
LI NEGOZI DE CASALINGHI E CHIRI
ALIMENTARI
LU PRIMU CORPU DE MARTEDDU LU
“BARRATTA” L'HA N'CUDDATU
E LA PIALLA LU SPAVENTA HA GIA'
DUMATU.
ASKE!ASKE! CRIDA CHIRU DE
TAURISANU,COMU NU R'RABBIATU
CA GIA' ALLE 8 DE MANE TUTTU LU
PAESE HA DISCITATU.
E CUSI' PURU STAMMANE MORCIANU
MEU
SENZA SPINTE SI PARTUTU
CA TE BASTA L'ARIA E NU RAGGIU
DE SULE,
CU DIVENTI LU MEIU FIURU
A MENZU A STE GISURE.